Connect with us

កីឡា

មូលហេតុសំខាន់ដែល កែវ រំចង់ មិនជាប់​ជម្រើស​ជាតិស៊ីហ្គេមឆ្នាំ២០២៣

បានផុស

នៅ

ក្រោយពីអ្នកប្រដាល់ចាស់វស្សា កែវ រំចង់ បានបង្ហាញអារម្មណ៍មិនពេញចិត្ត​ចំពោះការមិនជាប់ជម្រើសជាតិ​ស៊ីហ្គេម ២០២៣ ប្រធានសហព័ន្ធកីឡាប្រដាល់ឃីកបុកសីង (Kickboxing) បានចេញមកបញ្ជាក់ប្រាប់ពីមូលហេតុ​​ច្បាស់ៗហើយ។

លោក ហេង សុឃន ប្រធានសហព័ន្ធកីឡាប្រដាល់ឃីកបុកស៊ីង បានពន្យល់ប្រាប់ថា កែវ រំចង់ មិនជាប់ក្នុងក្រុមជម្រើសជាតិឃីកបុកស៊ីង គឺ​ដោយសារ​សហព័ន្ធអន្តរជាតិ បានដកចេញ ៤ប្រភេទទម្ងន់ រួមមាន៖ ទម្ងន់ ៤៥គីឡូក្រាម,  ៤៨គីឡូក្រាម, ៧៥គីឡូក្រាម​ និង៨១គីឡូក្រាម​​ ក្នុងចំណោម១៧ប្រភេទទម្ងន់ ដែលកម្ពុជាបានដាក់បញ្ចូល ដែលក្នុងនោះ​ក៏មានប្រភេទទម្ងន់របស់កែវ រំចង់ផងដែរ (៨១គីឡូក្រាម)។

លោក ហេង សុឃន ប្រធានសហព័ន្ធកីឡាប្រដាល់ឃីកបុកស៊ីង
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបញ្ជាក់ថា ដំបូងឡើយ សហព័ន្ធកីឡាឃីកបុកសីង បានដាក់​ប្រភេទទម្ងន់ ៨១គីឡូក្រាម, ៧៥គីឡូក្រាម, ៧១គីឡូក្រាម, ៦៧គីឡូក្រាម, ៦៣,៥គីឡូក្រាម, ៦០គីឡូក្រាម, ៥៧គីឡូក្រាម, ៥៤គីឡូក្រាម, ៥១គីឡូក្រាម, ៤៨គីឡូក្រាម និង៤៥គីឡូក្រាម​ ទៅក្នុងសៀវភៅបច្ចេកទេស ប្រគល់ទៅបណ្តាប្រទេសដែលចូលរួមស៊ីហ្កេមនៅកម្ពុជា ឲ្យបញ្ចូនកីឡាករមកចូលរួម។ “យើងដាក់ទៅរយៈពេល៣ខែ ស្រាប់តែសហព័ន្ធអន្តរជាតិប្រាប់វិញថា នៅលើឆាកអន្តរជាតិ ទម្ងន់៨១ មិនមាននោះទេ បូករួមទាំង៣ប្រភេទទម្ងន់ទៀត ទាំងដែលកម្ពុជាម្ចាស់ផ្ទះ​បានរៀប​យុទ្ធសាស្រ្ដ​ហើយស្រេច ដើម្បីទទួលបានជោគជ័យ”។ លោក ហេង សុឃន បញ្ជាក់បន្ថែម។

កែវ រំចង់​(កណ្ដាល) ឈ្នះមេដាយមាសកីឡាជាតិ​នាពេលកន្លងមក

ក្រៅពីមូលហេតុដកប្រភេទទម្ងន់ លោកក៏បានសង្កត់ធ្ងន់ដល់មហាជនកុំ​ឲ្យ​មានការយល់ច្រឡំផងដែរថា “សហព័ន្ធគឺសើរើជ្រើសយកកីឡាករដែលមានសមត្ថភាពពិតប្រាកដ គោរពវិន័យ តាមការជ្រើសរើសរបស់គណៈកម្មការ ទៅតាមលក្ខណៈបច្ចេកទេស យកមកធ្វើការហ្វឹកហាត់ មិនមែនចេះតែរើសយកមកដាក់នោះទេ។ បើនិយាយពីកីឡាករជម្រើសជាតិវិញ​មិនមែនចេះតែរើសយកមកដាក់នោះទេ គឺបានប្រមួលផ្តុំរយៈពេល៣ឆ្នាំរួចមកហើយ​ ចំណាយថវិកាជាតិច្រើនណាស់” ។

ប្រធានសហព័ន្ធ​ដដែលរំលឹកថា ស្របពេលដែលព្រឹត្តការណ៍កីឡាស៊ីហ្គេមលើកទី៣២ កាន់តែខិតជិតមកដល់ សហព័ន្ធកីឡាឃីកបុកស៊ីង បានកោះហៅកីឡាករ កែវ រំចង់ មកចូលជាមួយក្រុមជម្រើស​ជាតិ អំឡុងពេលកីឡាកររូបនេះចូលរួមប្រកួតក្នុងព្រឹត្តការណ៍កីឡាជាតិលើកទី៣ ដោយឲ្យរូបគេប្រកួតលើប្រភេទទម្ងន់ ៨១គីឡូក្រាម។  ប៉ុន្តែក្រោយមកទៀត ប្រធានសហព័ន្ធកីឡាឃីកបុកស៊ីងគ្រប់ប្រទេសទាំងអស់ បានបើកកិច្ចប្រជុំរួមគ្នាបញ្ជាក់ថា ៤ប្រភេទទម្ងន់ដែលកម្ពុជាដាក់មកជាមួយ ១៣ប្រភេទទម្ងន់នោះ គឺមិនមានកីឡាករចូលរួមប្រកួតនោះទេ ដែលជាហេតុធ្វើឲ្យ​ប៉ះពាល់ដល់ប្រភេទទម្ងន់ជាច្រើនដែលកម្ពុជាត្រៀមប្រកួត ក្នុងនោះក៏មានកីឡាករ កែវ រំចង់ ផងដែរ។

ក្រោយមកកម្ពុជាបន្តចចាររយៈពេលមួយខែទៀត ប៉ុន្តែមិនត្រូវបានដាក់បញ្ជូលដដែល គឺមានតែ២ប្រទេសប៉ុណ្ណោះ ដែលមានប្រភេទទម្ងន់នោះ ដូច្នេះ​បើប្រកួតគឺខុសនឹងធម្មនុញ្ញ​កីឡាស៊ីហ្គេម។ យ៉ាងណាក៍ដោយ កម្ពុជានៅមិនទាន់លុបចោល ពោលគឺព្យាយាម​ឲ្យ​អស់លទ្ធភាព ទើបសម្រេចលុបចេញជាផ្លូវការមួយខែចុងក្រោយនេះ ចេញពីសៀវភៅការប្រកួតតែម្តង ។

ក្នងនាមអ្នកប្រដាល់ជើងចាស់ កែវ រំចង់ នៅតែចង់ចូលរួមប្រកួតដើម្បីជាតិមាតុភូមិក្នុងព្រឹត្តការណ៍ជាប្រវត្តិសាស្រ្តលើកដំបូងនេះ បើទោះជាមិនមានទម្ងន់ដែលខ្លួនត្រូវប្រកួត ដោយសុខចិត្តសម្រកមកទម្ងន់ដែលគណៈកម្មាការសម្រេចផ្លូវការ។ ពាក់ព័ន្ធជាមួយបញ្ហានេះ លោក ហេង សុឃន មានការព្រួយបារម្មណ៍ បើទោះជារូបគេសម្រកគីឡូបានមែន ប៉ុន្តែអាច​ធ្វើ​ឲ្យ​ប៉ះពាល់ដល់សុខភាព ជាពិសេសគឺប៉ះពាល់ទៅដល់ប្រភេទទម្ងន់របស់កីឡាករជម្រើសជាតិផ្សេងទៀត ដែលបានហ្វឹកហាត់ជាយូរមកហើយ ។

លោក ហេង សុឃន បានលើកឡើងជុំវិញ ការបង្ហោះសារអាក់អន់ចិត្តលើបណ្តាញសង្គមរបស់កីឡាករជើងចាស់ កែវ រំចង់ គឺមកពីអារម្មណ៍គាត់នោះទេ គឺគាត់ចង់ប្រកួត ប៉ុន្តែគាត់អត់ដឹងពីបចេ្ចកទេសកីឡាករជម្រើសជាតិ។ ​លោកថា “ប្អូន គីឡូធ្ងន់ហើយមិនអាចប្រកួតបានទេ ដោយសារមិនមានប្រទេសផ្សេងមានប្រភេទគីឡូនេះ ទាល់តែស្គាល់ពីធម្មនុញ្ញកីឡា។ ប្អូនជាអ្នកកីឡាល្បី​ បើចង់ចូលរួមចំណែកជាមួយសហព័ន្ធ អាចធ្វើចៅក្រមក៏បានរួមចំណែក ហើយកុំគិតពីលុយ ថាមេដាយមាសបានលុយ បានអី យើងអត់មានគុណផលទេ។ ដោយសារអី អ្នកកីឡាគេមិនមែនទើបតែប្រមូលផ្តុំ ៣ខែទេ គេប្រមូល៤ ទៅ៥ ឆ្នាំមុន ដូច្នេះប្អូនអាចរួមចំណែកតាមរយៈអ្វីដែលបានជំរាបជូនខាងលើ។

គួរបញ្ជាក់ផងដែរថា​ សហព័ន្ធកីឡាប្រដាល់ឃីកបុកស៊ីង បាន​ពន្យល់បកស្រាយនេះ ​នៅ​ក្នុងសន្និសិទ្ធសារព័ត៌មាន កាលពីល្ងាចថ្ងៃទី៣០ ខែមករា ឆ្នាំ២០២៣ ក្រោយពីមានការសម្តែងការមិនពេញចិត្តពី កីឡាករ កែវ រំចង់ ដោយខ្លួនមិនបានចូលរួមប្រកួតក្នុងព្រឹត្តការណ៍កីឡាស៊ីហ្គេមលើកទី៣២ ដែលកម្ពុជាធ្វើជាម្ចាស់ផ្ទះ៕

អត្ថបទ៖ Sok Leak

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១៧ នាទី មុន

អ្នកវិទ្យាសាស្រ្តកំពុងបារម្ភ ខ្លាចផ្ទុះមេរោគ Zombie ចេញពី តំបន់ស៊ីបេរី

ព័ត៌មានអន្ដរជាតិ៨ ម៉ោង មុន

អ៊ុយក្រែនថា ការចូលរួមរបស់ប្រធានាធិបតីចិន ក្នុង “កិច្ចប្រជុំកំពូលសន្តិភាព” ពិតជាសំខាន់ខ្លាំង

ព័ត៌មានអន្ដរជាតិ១១ ម៉ោង មុន

អ្នកការទូតកំពូលរបស់ចិន នឹងពិភាក្សារឿងកោះតៃវ៉ាន់ជាមួយទីប្រឹក្សាសន្តិសុខជាតិអាមេរិក

ព័ត៌មានជាតិ១៣ ម៉ោង មុន

បេក្ខជនជិត ២ពាន់នាក់ នឹងត្រូវចូលរួមប្រឡងជ្រើសរើសគ្រូអប់រំកាយ និងកីឡា ខណៈជ្រើសរើសតែ ១០០នាក់ប៉ុណ្ណោះ

ព័ត៌មានជាតិ១៣ ម៉ោង មុន

លោក លី ធុជ ចូលប្រជុំនៅស្វីស ដើម្បីសម្រេចគោលដៅអាទិភាព ពេលកម្ពុជារៀបចំកិច្ចប្រជុំស្ដីពីពិភពលោកគ្មានមីន

ព័ត៌មានអន្ដរជាតិ៧ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៥ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៦ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៥ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ចរាចរណ៍១ ថ្ងៃ មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

Sokha Hotels

ព័ត៌មានពេញនិយម