កីឡា
ឈឿង ល្វៃ ចង់ឲ្យសង្វៀនក្នុងស្រុកដាក់ការប្រកួតឃីកបុកស៊ីងឲ្យបានច្រើន
កីឡាករ ឈឿង ល្វៃ ជាម្ចាស់មេដាយប្រាក់-មាសកីឡាស៊ីហ្គេមលើប្រភេទកីឡាឃីកបុកស៊ីង បានស្នើសុំឲ្យសង្វៀននៅក្នុងស្រុកងាកមកពង្រឹងលើការប្រកួតប្រភេទកីឡានេះដែលពេញនិយមទីផ្សារអន្តរជាតិ។
កីឡាករ ឈឿង ល្វៃ ដែលមានបទពិសោធឈ្នះមេដាយមាស និងប្រាក់កីឡាស៊ីហ្គេម បានស្នើសុំឲ្យអ្នករៀបចំកម្មវិធីក្នុងស្រុកគួរបន្ថែមការប្រកួតកីឡាឃីកបុកស៊ីងឲ្យបានច្រើន។ យ៉ាងហោចណាស់១សប្ដាហ៍ឲ្យមាន១ ឬ២គូ តាមដែលអាចធ្វើទៅបាន ដើម្បីពង្រឹងសមត្ថភាពកីឡាករ កីឡាការិនីកម្ពុជាសម្រាប់ការចេញទៅប្រកួតនៅក្រៅស្រុក ជាពិសេសព្រឹត្តិការណ៍ផ្លូវការធំៗដូចជា ស៊ីហ្គេមជាដើម។
ឈឿង ល្វៃ បានប្រាប់សារព័ត៌មាន«កម្ពុជាថ្មី»ថា ៖«ខ្ញុំសូមសំណូមពរតាមបណ្ដាស្ថានីយ៍ទូរទស្សន៍ ដែលមានកម្មវិធីប្រកួតប្រដាល់ ចង់ឲ្យពួកគាត់រៀបចំការប្រកួតឃីកបុកស៊ីងក្នុង១សប្ដាហ៍ហោចណាស់១គូឬ២គូ។ ការដាក់ឲ្យមានការប្រកួតឃីកបុកស៊ីងនឹងជួយបណ្ដុះសមត្ថភាពរបស់កីឡាករ កីឡាការិនីយើង ដើម្បីឱកាសចេញទៅប្រកួតនៅក្រៅប្រទេស»។
បច្ចុប្បន្ន ប្រទេសកម្ពុជា មិនសូវមានការប្រកួតឃីកបុកស៊ីងទូលំទូលាយទេ ប៉ុន្តែប៉ុន្មានឆ្នាំចុងក្រោយសហព័ន្ធកីឡាឃីកបុកស៊ីងកម្ពុជាបានប្រើប្រាស់ធនធានដែលមានស្រាប់ពោលគឺកីឡាករ កីឡាការិនីប្រដាល់គុនខ្មែរឲ្យអភិវឌ្ឍខ្លួនក្លាយជាអត្តពលិកឃីកបុកស៊ីង។ កម្ពុជាក៏បានបញ្ជូនកីឡាករ កីឡាការិនីទៅប្រកួតជើងឯកឃីកបុកស៊ីងអាស៊ី កីឡាស៊ីហ្គេម និងព្រឹត្តិការណ៍ក្នុងតំបន់ផ្សេងទៀត។ ជាលទ្ធផលកម្ពុជាទទួលបានមេដាយមាស ប្រាក់ និងសំរិទ្ធជាហូរហែ។
ឈឿង ល្វៃ បានបន្ថែមថា ៖«សម្រាប់កីឡាឃីកបុកស៊ីងនៅកម្ពុជាអាចនិយាយបានថាជាជំហានដំបូងហើយយើងទើបតែចាប់ផ្ដើម។ កន្លងមកយើងធ្លាប់តែប្រកួតបែបគុនខ្មែរ។ ឥឡូវនេះយើងកំពុងតែព្យាយាមងាកទៅកាន់ប្រកួតឃីកបុកស៊ីងខ្លះ ព្រោះវាជាប្រភេទកីឡាមួយដែលទទួលស្គាល់ជុំវិញពិភពលោក»៕
អត្ថបទ៖ ផា រតនា
-
ព័ត៌មានជាតិ៥ ថ្ងៃ ago
ស្ថានភាពធាតុអាកាសនៅកម្ពុជា ចាប់ថ្ងៃទី២ ដល់ថ្ងៃទី៤ ខែឧសភា ឆ្នាំ២០២៤
-
ព័ត៌មានជាតិ៦ ថ្ងៃ ago
ក្នុងករណីក្ដៅខ្លាំងលើស៤០អង្សារ សម្ដេចធិបតី ណែនាំឱ្យគណៈគ្រប់គ្រងសាលាផ្អាកការសិក្សាបន្ទាន់
-
សេដ្ឋកិច្ច២៣ ម៉ោង ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ព័ត៌មានជាតិ១ សប្តាហ៍ ago
មន្ត្រីជំនាញប្រើថវិកាជាតិលើការជួសជុលច្រាំងស្ពានវត្តគរ រហូតដល់ ៥ លើក
-
ជីវិតកម្សាន្ដ២ ថ្ងៃ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
ព័ត៌មានជាតិ៥ ថ្ងៃ ago
ប្រភពមន្រ្តីព្រលាន៖ មានភ្ញៀវជិះពេញ សម្ពោធជើងហោះហើររបស់ Air Asia Cambodia ទៅសៀមរាប
-
ព័ត៌មានអន្ដរជាតិ៦ ថ្ងៃ ago
ផ្ទុះរោងចក្រឈើនៅវៀតណាម ផ្តាច់ជីវិតមនុស្ស ៦នាក់
-
ព័ត៌មានជាតិ៥ ថ្ងៃ ago
សម្ដេចតេជោ ចោទសួរទៅកាន់វិទ្យុមួយថា តើល្ងង់មែនទេ ដែលវាយប្រហារភរិយាសម្ដេចធិបតី?